Festival Atlántica
Participantes
  • ATLÁNTICA 2026
    • Equipo
    • Apoios
  • Programa
  • Tenda
  • Contacto
  • ATLÁNTICA 2026
    • Equipo
    • Apoios
  • Programa
  • Tenda
  • Contacto
Alba de Vales. Festaclown
Rocío Cibes
23/08/25

Alba de Vales

Alba de Vales é actriz, titiriteira e narradora oral. Ourensá e criada entre a cidade e a aldea, desenvolve unha traxectoria artística na que conflúen a oralidade, os monicreques, os obxectos e a cultura popular galega. A súa mirada bebe da tradición, mais tamén da creación contemporánea e das prácticas escénicas participativas. Defínese como unha xograresa dos nosos tempos. Nos seus espectáculos conviven contos tradicionais, cancións populares, humor, música e teatro de obxectos, creando propostas nas que a memoria, a comunidade e a transmisión oral dialogan co presente. Apaixonada por escoitar ás xeracións maiores e por preservar os saberes da tradición oral galega, Alba de Vales entende a escena como un espazo de encontro e transformación. As súas creacións reivindican a palabra compartida e a cultura popular como ferramentas vivas para seguir imaxinando e construíndo comunidade.

Contos Arredor do Lume

Contos Arredor do Lume é unha compilación de historias, cantos e imaxes evocadas pola xograresa Alba de Vales. Ao abeiro do lume e das súas múltiples formas, o espectáculo convida a compartir relatos que falan de solidariedade, agarimo, comunidade e coraxe.

Nunha proposta onde a oralidade, a música e a tradición popular se entrelazan, Alba de Vales aviva esa chama interior que nos acompaña no camiño e reivindica o poder das historias para crear encontro e fortalecer os vínculos entre as persoas.

Unha celebración da palabra compartida arredor dese primeiro fogar que foi, e continúa a ser, o lume.

 

CO APOIO DE