Alba Grande

Son Alba Grande e nos últimos anos identifícanme tamén como Alba de Vales, nome artístico co cal descubro un percorrido en solitario como xograresa, a través de diversas artísticas. Son actriz e monicrequeira para outras compañías escénicas e formo parte das asociacións NOGA e UNIMA e ALDEAR. Son formadora en artes escénicas. Adícome a facer teatro e a comprender a escena dende a miña adolescencia. Estudei fóra, formándome en interpretación xestual no Institut del Teatre e en distintas técnicas das artes populares da escena. Hoxe, a miña vocación como muller escénica e ao tempo muller rural, é a de cooperar tecendo comunidade a través da oralidade, o teatro e a escoita participativa. E apoiar as iniciativas que dan soporte ao intercambio de saberes, ao tecido comunitario e ao coidado do medio ambiente.

Memoria e relato dos obxectos | Obradoiro de memoria | Adultos (+14 anos)
Neste obradoiro compartiremos as lembranzas propias que nos distinguen e nos unen, a través do relato da memoria dos obxectos, que traen eles mesmos para contar. Inspirado no teatro de obxectos, nos valores humano e comunitario da tradición oral, usándoa como ferramenta e combinando a proposta creativa coa escritura e a narración oral.

O obxectos cotiáns ou o extraordinarios detonan historias, revelan ás memorias e a fantasía, da que tamén están formados os soños, a literatura e ata os recordos. Este é un obradoiro que funciona porque incita a recrearse no tecido humano, creativo e sensible, poñendo en común a nosa literatura, memoria e as nosas culturas, co teatro dos nosos obxectos.