Ayoub Kamouni e Aziz Belmajdoub

Ayoub Kamouni e Aziz Belmajdoub, dous actores marroquís en abril de 2021 suben a unha patera para viaxar dende Marrakesh ata Canarias ao longo de tres días con ondas de tres metros nunha viaxe infernal, dantesca. Voan en avión dende Canarias a Península e en bus de Madrid a Galicia. Logo de diversas experiencias laborais en condicións moitas veces de explotación chegan a pequena aldea de Pousada en Mariz, integrándose axiña no proxecto do espazo de animación e contacontos Carballolandia e no Cinema Palleiriso onde contribúen a súa conservación, deseño e escenografía. Participan tamén nas distintas actividades de contacontos musicados acompañando ao Carballo con botas nalgunhas das súas viaxes e compartindo escenario con Ugia Pedreira, Abe Rábade, Iván Garmén, o malabarista Ramón “Señor gato” ou con grupos de danza e baile no propio Palleiriso.

CULTURA SEN PAPEIS | 50 minutos | Adaptado a todas as idades

A proposta dos “Contos da patera” parte dunha historia de Anxo Moure dentro do proxecto “Contos Solidarios” no que os fondos que se recadan invístense no cento por cento no apoio a solidariedade e a cooperación.

A proposta de narración oral adáptase a todas as idades e consiste nunha viaxe polo mundo das culturas do planeta interpretadas con monicreques tecidos por cooperativas do comercio xusto en India, Bangladesh, Guatemala, etc., apoiadas pola musica de percusión de Ayoub e Aziz e a súas voces cantando os contos en árabe. As historias de autoría propia falan da paz, dos refuxiados, das pateras, da inmigración e rematan cantando en árabe e galego, tocando con pandeiretas a cargo de Ayoub e Aziz a cantiga Pandeiretas contra metralletas da autoría de Servando Barreiro e Anxo Moure do libro A música da auga.