Bouba
Bouba Pandeireteiras son un grupo do concello de Tordoia que centran os seus esforzos en recoller a música tradicional do país para logo poder mostrar polo mundo adiante o poder dos nosos vellos e a forza da nosa música. O grupo intégrano María, Carme e Uxía da Pontragha e Maca do Piñeiro.
TERMANDO DOS MARCOS | Concerto
Despois de toda a emoción de Vinculeiras, chegou a merecida calma e puidemos erguer con paciencia o que é o novo proxecto das Bouba.
A lume lento e un bocado máis maduras, reparamos en nós e no mundo e creamos algo novo, pequeno, local, desde as marxes.
Máis ca nunca resituámonos na aldea que nos pariu, a que nos dou o nome e nos mostrou que sen nós non había futuro. Non é esta cousa boa de facer nun país cada vez máis asobalhado polo capital e a desmemoria.
Aquí estamos, Bouba, para seguir sendo, Termando dos marcos. Os marcos somos nós.