Charo Jaular

Charo Jaular, como ela conta, naceu na Bella Zamora e non podía facelo noutro lugar, porque, como ela di, é pequena e coqueta como a súa Zamorica da alma... As súas devanceiras por parte de nai naceron alá onde hai xigantescas penedas graníticas cortadas que forman o peche do río Douro chamado Os Arribanzos, onde primeiro chegou o granito, logo a auga e despois sen présa o tempo. Alguén marcou alí a fronteira con Portugal, pero antes de converterse en fronteira, os ríos xa tiñan dúas beiras e as xentes construían barcas ou pontes para coñecerse, para intercambiarse, para humanizarse, para amarse, por moito que queiras separar e vixiar aos veciño, por moito que se lles prohibira, intercambiaban bens, amizade, amores e por suposto CONTOS. Leva máis de 20 anos traballando, está especializada en enfeitizar desde bebés ata familias e público adulto, traballou principalmente en bibliotecas, teatros, colexios, festivais nacionais e internacionais, centros culturais, residencias de anciáns, cárceres, obradoiros para mulleres e mocidade, pequenas vilas e grandes cidades, onde grandes e pequenos deciden viaxar xuntos da man, espazos todos onde se ama a palabra.