Dani Blanco
Natural de Cangas do Morrazo. Actor, improvisador, malabarista, clown, docente e narrador oral. Formouse a medio camiño entre Santiago de Compostela e Bos Aires. Fundador da compañía de circo Assircópatas no ano 2003 coa que percorreu máis de 15 países con diferentes espectáculos ata o de agora. Membro tamén da compañía de circo Muu e da compañía de teatro Diáspora escena. Ademais fundou a compañía de improvisación teatral Themomento impro. Comezou da narración oral no 2017, en gran parte grazas a Soldade Felloza, e desde aquela non para de contar en bibliotecas, bares, teatros e alí onde o queiran escoitar. Nos seus contos mestura a realidade co fantástico. Participou xa no festival Atlántica no ano 2019 co espectáculo para público adulto Ondas para mudar.
Murmuraban as miñas veciñas | A partir 12 anos | 60 min
Historias vivas recollidas para ser contadas de viva voz, aquí presentadas coma unha instantánea, coa humilde intención de que permanezan nalgún lugar. Contos de catro mulleres bravas do Morrazo, que levaron a vida que querían levar. Unha mestura entre a ficción e a realidade contadas sempre desde o humor. Para pasar da emoción a risa sen decatarse.