Jaime Santos

La Chana Teatro, fundada en 1987 por Aurea Pérez e Jaime Santos, é un dos grandes referentes da escena salmantina. Conta con múltiples espectáculos ás súas costas e moitos máis kilometros, pois viaxaron por toda a xeografía española e Brasil, Francia, Bélxica, Portugal, Níxer, Marrocos, Suíza, Colombia e Israel. Ao longo destes anos atoparon unha forma propia de contar historias, pero tendo sempre como protagonistas ao obxecto, a palabra, o espazo e a interpretación. A crítica especializada salientou o seu traballo pola a sinxeleza escénica, a calidade dos textos e a intelixencia na posta en escena.

Blancanieves | Infantil e familiar
Un espectáculo luminoso celebrado pola crítica e o público no que a terrorífica historia de Blancanieves cóntase desde o verso e desde o humor que nace das situacións máis desgraciadas. Blancanieves, a luz máis refulxente, é odiada e envexada pola súa madrastra, unha fermosa lámpada cuxa beleza está baleira, pois nin sequera emite luz. E alí onde habita a luz, atópase a beleza que encandea de verdade ás almas nobres. E é que a beleza é invisible aos ollos.

Premio Max ao mellor espectáculo para púbico infantil, xuvenil ou familiar (2023)
Premio do Público ao Mellor Espectáculo Infantil na Feira de Teatro de Castela e León (2020)
Premio Titeremurcia ao Mellor Espectáculo (2021)

Pisando el llano | Público adulto | 60 min
Jaime Santos dirixe e protagoniza o monólogo ‘Pisando el llano’, inspirado no libro de relatos de Juan Rulfo ‘El llano en llamas’. Os textos tomáronse sen adorno, masticando o seu verbo cunha nudez absoluta. Non hai máis nada que Rulfo, unha cadeira e un home sentado deixando que flúa a dor, mantendo o equilibrio nun arame de espinos. Só voz, só palabra sen concesión.