Larraitz Urruzola

Larraitz Urruzola é actriz e titiriteira desde 1989. Nestes 35 anos de traxectoria profesional, fundou e formou parte das compañías Teatro Buratini e Teatro Babaluva, e colaborou en proxectos doutras entidades como Fantoches Baj, Os monicreques de Kukas, Os Quinquilláns, Cachirulo, Urgu y Bluff Teatro do Liló, ou Excentricas, entre outros. Desde 2013, xa en solitario, está á fronte de Larraitz Urruzola Producións Artísticas, acadando grande éxito coas montaxes O Crebanoces, A viaxe de Rosalía, Dona Barriga Verde e Fábulas da montaña. A súa compañía é un proxecto persoal que ten como piares a propia actriz, a súa capacidade narrativa, os títeres tradicionais, os contidos con perspectiva feminista e as protagonistas femininas como Rosalía de Castro, Concepción Arenal ou Dona Barriga Verde. Todos estes elementos diferenciais amosan unha aposta clara por visibilizar a pegada dos referentes femininos nas artes e no activismo social. Como membro da Asociación Cultural Morreu o Demo, traballa en diversas accións formativas e de sensibilización para a recuperación do títere tradicional, asumindo tamén o labor de responsable de produción do Festival Titiriberia.