María da Pontragha
María da Pontragha é o alcume de María Iglesias, unha educadora e antropóloga que dende sempre mantivo un vínculo moi forte coa tradición oral, tanto a través da música coma da palabra en si. No 2009 comezou a súa andaina no mundo da narración centrándose na recuperación e actualización das historias populares e de tradición oral e cun gusto especial polas historias que se centran nas mulleres do país. É ademais percusionista e vocalista nos grupos Bouba e Lévedo, e vocalista no grupo Sacha na horta.
CONTOS DE VELLXS PUNKIS PARA ENCARREIRAR Á MOCEDÁ | +12 anos
Que hai máis punki ca un vello? unha vella? As nosas avoas e avós son as protagonistas dos contos máis punkis e rebeldes que poidas imaxinar… non o dubides. Non teñen nada que perder, tiveron unha vida dura pero soubérona levar entre risas e loitas. Déixate guiar cos seus contos, que te han encarreirar polo bo camiño.